”یقیناً اللہ نے اپنے رسول کو سچا اور حق پر مبنی خواب دکھایا کہ اگر اللہ نے چاہا تو تم لوگ مسجدِ حرام میں ضرور بالضرور امن و سلامتی کے ساتھ داخل ہو گے، اس حال میں کہ تم اپنے سر منڈوا رہے ہو گے اور بال کتروا رہے ہو گے اور تمہیں کسی قسم کا کوئی خوف نہ ہو گا؛ پس اللہ ان مصلحتوں سے واقف تھا جنہیں تم نہیں جانتے تھے، لہٰذا اس نے اس (داخلہ مسجدِ حرام) سے پہلے ہی ایک قریب الوقوع فتح مقدر فرما دی۔“

اللہ تعالیٰ کے اس ارشاد کے متعلق کہ ”محمد ﷺ اللہ کے رسول ہیں، اور جو لوگ ان کے ساتھ ہیں وہ کافروں پر سخت اور آپس میں نہایت رحم دل ہیں، تم انہیں کثرت سے رکوع اور سجدے کرتے ہوئے دیکھو گے، وہ اللہ کا فضل اور اس کی رضا مندی تلاش کرتے ہیں، ان کی پہچان ان کے چہروں پر سجدوں کے اثر سے نمایاں ہے، ان کا یہ وصف تورات میں مذکور ہے، اور انجیل میں ان کی مثال اس کھیتی کی طرح ہے جس نے اپنی کونپل نکالی، پھر اسے مضبوط کیا، پھر وہ موٹی ہوئی، پھر اپنے تنے پر سیدھی کھڑی ہو گئی، وہ کسانوں کو بہت بھلی لگتی ہے تاکہ اللہ ان کے ذریعے کافروں کو غصہ دلائے، اللہ نے ان میں سے ان لوگوں سے جو ایمان لائے اور جنہوں نے نیک اعمال کیے، مغفرت اور اجرِ عظیم کا وعدہ فرمایا ہے۔“