قسم ہے انجیر کی اور زیتون کی، اور طورِ سینین کی، اور اس امن والے شہر کی، بے شک ہم نے انسان کو بہترین ساخت اور نہایت عمدہ توازن کے ساتھ پیدا کیا ہے، پھر ہم نے اسے پستوں میں سب سے نچلی سطح پر لوٹا دیا، سوائے ان لوگوں کے جو ایمان لائے اور انہوں نے نیک اعمال کیے تو ان کے لیے ایسا اجر ہے جو کبھی ختم ہونے والا نہیں، پس (اے انسان!) اس کے بعد جزا و سزا کے معاملے میں تجھے کون سی چیز جھٹلانے پر آمادہ کرتی ہے؟ کیا اللہ تمام فیصلہ کرنے والوں میں سب سے بڑا فیصلہ کرنے والا نہیں ہے؟