قسم ہے ان گھوڑوں کی جو ہانپتے ہوئے تیزی سے دوڑتے ہیں، پھر اپنی ٹاپوں کی ضرب سے چنگاریاں نکالتے ہیں، پھر صبح کے وقت اچانک حملہ آور ہوتے ہیں، پھر اس ہنگامے میں گرد و غبار اڑاتے ہیں، پھر اسی حالت میں دشمن کے مجمع کے درمیان جا گھستے ہیں، بے شک انسان اپنے رب کا بڑا ہی ناشکرا ہے، اور یقیناً وہ خود بھی اس حقیقت پر گواہ ہے، اور بلا شبہ وہ مال و دولت کی محبت میں بہت شدید ہے، تو کیا وہ اس وقت کو نہیں جانتا جب قبروں میں جو کچھ ہے اسے نکال کر باہر بکھیر دیا جائے گا، اور سینوں کے تمام پوشیدہ بھید ظاہر کر دیے جائیں گے، یقیناً ان کا رب اس دن ان کے تمام احوال سے بخوبی واقف ہو گا۔