اللہ جل ثناؤہ کا فرمان ہے: ﴿وَالَّذِينَ يَبْتَغُونَ الْكِتَابَ مِمَّا مَلَكَتْ أَيْمَانُكُمْ فَكَاتِبُوهُمْ إِنْ عَلِمْتُمْ فِيهِمْ خَيْرًا﴾ ”اور تمہارے غلاموں میں سے جو مکاتبت (کا معاہدہ) کرنا چاہیں تو ان سے مکاتبت کر لو اگر تم ان میں بھلائی جانتے ہو۔“ [سورة النور: 33]
امام شافعی رحمہ اللہ نے فرمایا: ”اس میں اس بات کی دلیل ہے کہ اللہ تعالیٰ نے صرف اسی (غلام) سے مکاتبت کی اجازت دی ہے جو یہ سمجھتا ہو کہ وہ کیا طلب کر رہا ہے، نہ کہ اس سے جو مکاتبت طلب کرنے کی سمجھ ہی نہ رکھتا ہو، جیسے بچہ یا دیوانہ۔“ [السنن الكبرى للبيهقي/كتاب المدبر/حدیث: Q21600]