سیدنا ابوہریرہ رضی اللہ عنہ بیان کرتے ہیں: نبی اکرم صلی اللہ علیہ وسلم کے پاس ایک شخص آ کر بیٹھا، نبی اکرم صلی اللہ علیہ وسلم نے اس سے دریافت کیا: تمہارا تعلق کہاں سے ہے؟ اس نے جواب دیا: میں بر بری ہوں، نبی اکرم صلی اللہ علیہ وسلم نے اس سے فرمایا: تم اُٹھ جاؤ! راوی کہتے ہیں: نبی اکرم صلی اللہ علیہ وسلم نے اپنی کہنی کے ذریعے اس طرح اشارہ کر کے یہ بات ارشاد فرمائی تھی، جب وہ شخص آپ کے پاس سے اٹھ کر چلا گیا، تو نبی اکرم صلی اللہ علیہ وسلم ہماری طرف متوجہ ہوئے اور آپ نے ارشاد فرمایا: ایمان ان لوگوں کے حلق سے نیچے نہیں جائے گا۔
یہ روایت امام أحمد نے نقل کی ہے، اس کی سند میں ایک راوی عبداللہ بن نافع ہے اور وہ متروک ہے، یحیی بن معین کہتے ہیں: اس کی نقل کردہ حدیث کو نوٹ کیا جائے گا، ایک راوی صالح مولی تو امہ ہے، جو اختلاط کا شکار ہو گیا تھا۔ [مجمع الزاوئد ومنبع الفوائد/كتاب العتق/حدیث: 7198]

سیدنا عبداللہ بن عمرو رضی اللہ عنہ، نبی اکرم صلی اللہ علیہ وسلم کا یہ فرمان نقل کرتے ہیں: ”جو شخص صدقہ کرنے کے لئے کوئی چیز نکالے اور پھر اسے (صدقہ لینے والے کے طور پر) صرف کوئی بر بری ملے، تو وہ اس صدقے (کی چیز) کو واپس لے جائے“۔
یہ روایت امام أحمد نے نقل کی ہے اس کی سند میں ایک راوی ابن لہیعہ ہے اور اس کی نقل کردہ حدیث حسن ہے، اس روایت کے بقیہ رجال ثقہ ہیں۔ [مجمع الزاوئد ومنبع الفوائد/كتاب العتق/حدیث: 7199]

رفیع بن ثابت کے غلام بیان کرتے ہیں: نبی اکرم صلی اللہ علیہ وسلم کے ایک صحابی نے دو سو دینار کے عوض میں ایک بربری کنیز خریدی اور اسے سیدنا ابومحمد رضی اللہ عنہ کی طرف بھیجا، جو نبی اکرم صلی اللہ علیہ وسلم کے صحابی تھے اور انہیں غزوہ بدر میں شرکت کا شرف حاصل تھا، انہوں نے ان صاحب کو وہ ہر بری کنیز ہبہ کے طور پر دی تھی، جب وہ کنیز ان کے پاس آئی تو انہوں نے فرمایا: یہ ان مجوسیوں میں سے ایک ہے، جن کے بارے میں نبی اکرم صلی اللہ علیہ وسلم نے منع کیا ہے اور مشرکین (کے بارے میں بھی منع کیا ہے)۔ راوی بیان کرتے ہیں: میں نے
یہ روایت ایک شخص کو بیان کی، تو اس نے مجھے یہ بتایا کہ یحیی بن سعید نے اسے یہ بات بتائی ہے کہ ان کے ایک چچا کا انتقال مغرب (یعنی مراکش) میں ہوا تھا اور وہ ”بدری“ تھے۔
یہ روایت امام طبرانی نے نقل کی ہے، اس کی سند میں ایک راوی ایسا ہے، جس کا نام بیان نہیں کیا گیا ہے اور ایک راوی ابن لہیعہ ہے۔ [مجمع الزاوئد ومنبع الفوائد/كتاب العتق/حدیث: 7200]

سیدنا عثمان غنی رضی اللہ عنہ بیان کرتے ہیں: میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے: ”خباثت کے ستر اجزاء ہیں، جن میں سے ایک جزء، جنوں اور انسانوں میں پایا جاتا ہے، اور انہتر اجزاء، بر بریوں میں پائے جاتے ہیں“۔
یہ روایت امام طبرانی نے معجم اوسط میں نقل کی ہے۔ [مجمع الزاوئد ومنبع الفوائد/كتاب العتق/حدیث: 7201]

ان کی نقل کردہ ایک روایت میں یہ الفاظ ہیں: ”اللہ تعالیٰ نے خباثت کو ستر اجزاء میں تقسیم کیا، تو بربر میں انہتر حصے رکھے اور باقی تمام لوگوں میں ایک حصہ رکھا“۔ پہلی روایت کی سند میں ایک راوی عبداللہ بن صالح ہے، جو لیث کا کاتب ہے، ایک جماعت نے اسے ضعیف قرار دیا ہے اور ایک جماعت نے اسے ثقہ کہا: ہے، اس روایت کے بقیہ رجال ثقہ ہیں، اس کی سند میں ایک راوی مطلب بن شعیب ہے ابن عدی کہتے ہیں: میں نے اس کے حوالے سے کوئی منکر حدیث نہیں دیکھی، صرف یہ حدیث ہے: ”جب کسی قوم کا معزز فرد تمہارے پاس آئے، تو تم اس کی عزت افزائی کرو“۔ [مجمع الزاوئد ومنبع الفوائد/كتاب العتق/حدیث: 7202]

سیدنا عقبہ بن عامر رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ”خباثت کے ستر اجزاء ہیں، بربر کے لئے انہتر اجزاء ہیں، اور (تمام) جنوں اور انسانوں کے لئے ایک جزء ہے“۔
یہ روایت امام طبرانی نے نقل کی ہے، اس کی سند میں ایک راوی عبداللہ بن عبدالرحمن بن عبدالحکم ہے، میں اس سے واقف نہیں ہوں اور اس کے بقیہ رجال ثقہ ہیں اور اس کے بعض راویوں میں ضعف پایا جاتا ہے۔ [مجمع الزاوئد ومنبع الفوائد/كتاب العتق/حدیث: 7203]

سیدنا عبداللہ بن عباس رضی اللہ عنہما روایت کرتے ہیں: نبی اکرم صلی اللہ علیہ وسلم نے ارشاد فرمایا: ”غلام خریدو! اور ان کے رزق میں انہیں شراکت دار بناؤ، اور زنگیوں سے بچو! کیونکہ اُن کی عمریں تھوڑی ہوتی ہیں اور ان کا رزق کم ہوتا ہے“۔
یہ روایت امام طبرانی نے معجم کبیر اور معجم اوسط میں نقل کی ہے، اس کی سند میں ایک ایسا راوی ہے، جس سے میں واقف نہیں ہوں۔ [مجمع الزاوئد ومنبع الفوائد/كتاب العتق/حدیث: 7204]

سیدنا عبداللہ بن عباس رضی اللہ عنہما بیان کرتے ہیں: نبی اکرم صلی اللہ علیہ وسلم کے سامنے سیاہ فام افراد کا ذکر کیا گیا، تو آپ نے فرمایا: سیاہ فام لوگوں کے حوالے سے مجھے رہنے دو! کیونکہ سیاہ فام شخص صرف اپنے پیٹ اور اپنی شرمگاہ کا ہوتا ہے۔
یہ روایت امام طبرانی نے نقل کی ہے، اس کی سند میں ایک راوی محمد بن زکریا غلابی ہے اور وہ انتہائی ضعیف ہے، ابن حبان نے اسے ثقہ قرار دیا ہے، وہ فرماتے ہیں: جب یہ کسی ثقہ راوی سے روایت کرے، تو اس کی روایت کا اعتبار کیا جائے گا۔ [مجمع الزاوئد ومنبع الفوائد/كتاب العتق/حدیث: 7205]

سیدہ ام ایمن رضی اللہ عنہا بیان کرتی ہیں: میں نے نبی اکرم صلی اللہ علیہ وسلم کو یہ ارشاد فرماتے ہوئے سنا: ”سیاہ فام شخص، اپنی شرمگاہ، یا اپنے پیٹ کا ہوتا ہے“۔
یہ روایت امام طبرانی نے نقل کی ہے، اس کی سند میں ایک راوی خالد بن محمد ہے، جس کا تعلق آل زبیر سے ہے اور وہ ضعیف ہے۔ [مجمع الزاوئد ومنبع الفوائد/كتاب العتق/حدیث: 7206]

سیدنا عبداللہ بن عباس رضی اللہ عنہما بیان کرتے ہیں: عرض کی گئی: یا رسول اللہ! بنو مغیرہ کے حبشیوں کے لئے کیا رکاوٹ ہے؟ کہ وہ آپ کے پاس آئیں، صرف یہ وجہ ہے کہ آپ انہیں واپس کر دیں گے، نبی اکرم صلی اللہ علیہ وسلم نے فرمایا: حبشیوں میں بھلائی نہیں ہے، جب وہ بھوکے ہوں، تو چوری کر لیتے ہیں اور جب سیر ہوں تو زنا کرتے ہیں، ان کے اندر دو اچھی چیزیں ہیں کھانا کھلانا اور لڑائی کے وقت بہادری۔
یہ روایت امام طبرانی نے اور امام بزار نے نقل کی ہے، ان کی روایت کے الفاظ یہ ہیں: نبی اکرم صلی اللہ علیہ وسلم نے ارشاد فرمایا: ”حبشیوں میں بھلائی نہیں ہے، اگر وہ سیر ہوں، تو زنا کرتے ہیں، لیکن ان میں دو خوبیاں ہیں، کھانا کھلانا اور لڑائی کے وقت مضبوطی“۔ امام بزار کے رجال ثقہ ہیں، عوسجہ مکی نامی راوی کے بارے میں ایسا اختلاف پایا جاتا ہے، جو نقصان دہ نہیں ہے، ایک سے زیادہ افراد نے اسے ثقہ قرار دیا ہے۔ [مجمع الزاوئد ومنبع الفوائد/كتاب العتق/حدیث: 7207]