(نبی کریم صلی اللہ علیہ وسلم نے فرمایا:)
”اے اللہ! اگر تو معاف فرمائے تو بہت زیادہ معاف فرمانے والا ہے، اور تیرا کون سا بندہ ایسا ہے جس نے کوئی گناہ نہ کیا ہو۔“ [صحيح الجامع الصغير وزيادته/[حرف الألف] -- إن/حدیث: 1417]

(نبی کریم صلی اللہ علیہ وسلم نے فرمایا:)
”اگر تم چاہو تو اس کی اصل (یعنی زمین یا جائیداد) کو اپنے پاس روکے رکھو (یعنی وقف کر دو) اور اس کی پیداوار صدقہ کر دو۔“ [صحيح الجامع الصغير وزيادته/[حرف الألف] -- إن/حدیث: 1418]

(نبی کریم صلی اللہ علیہ وسلم نے فرمایا:)
”اگر تم دونوں چاہو تو میں تمہیں (صدقہ میں سے) دے دیتا ہوں، مگر اس میں کسی غنی اور کمانے کی طاقت رکھنے والے تندرست شخص کا کوئی حصہ نہیں ہے۔“ [صحيح الجامع الصغير وزيادته/[حرف الألف] -- إن/حدیث: 1419]

(نبی کریم صلی اللہ علیہ وسلم نے فرمایا:)
”اگر تم چاہو تو میں تمہیں بتاؤں کہ امارت کیا ہے؟ اس کی شروعات ملامت ہے، اس کا دوسرا مرحلہ ندامت ہے، اور تیسرا مرحلہ قیامت کے دن کا عذاب ہے، سوائے اس شخص کے جس نے انصاف کیا۔“ [صحيح الجامع الصغير وزيادته/[حرف الألف] -- إن/حدیث: 1420]

(نبی کریم صلی اللہ علیہ وسلم نے فرمایا:)
”اگر میں زندہ رہا، ان شاء اللہ، تو میں اپنی امت کو نافع، افلح اور برکہ نام رکھنے سے ضرور منع کر دوں گا۔“ [صحيح الجامع الصغير وزيادته/[حرف الألف] -- إن/حدیث: 1421]

(نبی کریم صلی اللہ علیہ وسلم نے فرمایا:)
”اگر ان (قربانی کے جانوروں) میں سے کوئی جانور تھک کر نڈھال ہو جائے (یا مرنے کے قریب ہو جائے) تو اسے نحر کر دو، پھر اس کے گلے کے پٹے کو اسی کے خون میں رنگ کر اس کے پہلو پر لگا دو، اور اسے لوگوں کے لیے چھوڑ دو تاکہ وہ اسے کھا لیں۔“ [صحيح الجامع الصغير وزيادته/[حرف الألف] -- إن/حدیث: 1422]

(نبی کریم صلی اللہ علیہ وسلم نے فرمایا:)
”اگر ان (قربانی کے جانوروں) میں سے کوئی جانور نڈھال ہو جائے اور تمہیں اس کے مر جانے کا ڈر ہو تو اسے ذبح کر دو، پھر اس کے گلے کے پٹے کو اسی کے خون میں ڈبو کر اس کے پہلو پر لگا دو، البتہ اس گوشت میں سے نہ تم خود کچھ کھانا اور نہ ہی تمہارے قافلے والوں میں سے کوئی کھائے، بلکہ اسے (عام لوگوں میں) تقسیم کر دینا۔“ [صحيح الجامع الصغير وزيادته/[حرف الألف] -- إن/حدیث: 1423]

(نبی کریم صلی اللہ علیہ وسلم نے فرمایا:)
”اگر قیامت قائم ہونے لگے اور تم میں سے کسی کے ہاتھ میں کھجور کا چھوٹا پودا ہو، تو اگر وہ قیامت کے برپا ہونے سے پہلے اسے لگانے کی استطاعت رکھتا ہو تو اسے ضرور لگا دے۔“ [صحيح الجامع الصغير وزيادته/[حرف الألف] -- إن/حدیث: 1424]

(نبی کریم صلی اللہ علیہ وسلم نے فرمایا:)
”اگر تم اللہ کے راستے میں اس حال میں قتل کر دیے گئے کہ تم ثابت قدم رہنے والے، ثواب کی نیت رکھنے والے، (دشمن کی طرف) آگے بڑھنے والے اور پیٹھ نہ پھیرنے والے ہوئے، تو اللہ تعالیٰ قرض کے سوا تمہارے تمام گناہ معاف فرما دے گا، ابھی تھوڑی دیر پہلے جبریل (علیہ السلام) نے مجھے یہی بات بتائی ہے۔“ [صحيح الجامع الصغير وزيادته/[حرف الألف] -- إن/حدیث: 1425]

(نبی کریم صلی اللہ علیہ وسلم نے فرمایا:)
”اگر اللہ تعالیٰ نے کسی چیز (کی پیدائش) کا فیصلہ فرما لیا ہے تو وہ یقیناً ہو کر رہے گی، خواہ وہ شخص عزل ہی کیوں نہ کرے۔“ [صحيح الجامع الصغير وزيادته/[حرف الألف] -- إن/حدیث: 1426]