(نبی کریم صلی اللہ علیہ وسلم نے فرمایا:)
”اگر نحوست کسی چیز میں ہوتی تو وہ گھر، عورت اور گھوڑے میں ہوتی۔“ [صحيح الجامع الصغير وزيادته/[حرف الألف] -- إن/حدیث: 1427]

(نبی کریم صلی اللہ علیہ وسلم نے فرمایا:)
”اگر وہ اپنے چھوٹے بچوں کی روزی کمانے کی خاطر نکلا ہے تو وہ اللہ کے راستے میں ہے، اور اگر وہ اپنے بوڑھے ضعیف والدین کی کفالت کے لیے نکلا ہے تو وہ اللہ کے راستے میں ہے، اور اگر وہ اپنے آپ کو (مانگنے کی ذلت سے) بچانے کے لیے محنت کرنے نکلا ہے تو وہ اللہ کے راستے میں ہے، لیکن اگر وہ ریاکاری اور فخر و غرور کے لیے نکلا ہے تو پھر وہ شیطان کے راستے میں ہے۔“ [صحيح الجامع الصغير وزيادته/[حرف الألف] -- إن/حدیث: 1428]

(نبی کریم صلی اللہ علیہ وسلم نے فرمایا:)
”اگر تمہارے پاس ایسا پانی موجود ہے جو رات بھر پرانی مشک میں رکھا گیا ہو تو ہمیں پلا دو، ورنہ ہم (ندی سے براہ راست) منہ لگا کر پی لیں گے۔“ [صحيح الجامع الصغير وزيادته/[حرف الألف] -- إن/حدیث: 1429]

(نبی کریم صلی اللہ علیہ وسلم نے فرمایا:)
”اگر تمہارے علاج معالجے کے طریقوں میں کسی چیز میں بھلائی ہے تو وہ پچھنے لگوانا (حجامہ کروانا) ہے۔“ [صحيح الجامع الصغير وزيادته/[حرف الألف] -- إن/حدیث: 1430]

(نبی کریم صلی اللہ علیہ وسلم نے فرمایا:)
”اگر تمہاری دواؤں میں کسی چیز میں شفاء ہے تو وہ حجامہ کرنے والے کے نشتر لگانے، یا شہد کا گھونٹ پینے، یا بیماری کی مناسبت سے آگ سے داغنے میں ہے، مگر میں آگ سے داغے جانے کو پسند نہیں کرتا۔“ [صحيح الجامع الصغير وزيادته/[حرف الألف] -- إن/حدیث: 1431]

(نبی کریم صلی اللہ علیہ وسلم نے فرمایا:)
”اگر وہ کام (کھجوروں کی پیوند کاری) انہیں نفع دیتا ہے تو وہ اسے ضرور کریں، میں نے تو محض ایک گمان ظاہر کیا تھا، لہٰذا تم میرے گمان پر میرا مؤاخذہ نہ کرو، البتہ جب میں تمہیں اللہ کی طرف سے کوئی بات بتاؤں تو اسے مضبوطی سے تھام لو، کیونکہ میں اللہ پر ہرگز جھوٹ نہیں باندھ سکتا۔“ [صحيح الجامع الصغير وزيادته/[حرف الألف] -- إن/حدیث: 1432]

(نبی کریم صلی اللہ علیہ وسلم نے فرمایا:)
”اگر تم سے کوئی گناہ سرزد ہو گیا ہے تو اللہ تعالیٰ سے بخشش طلب کرو اور اس کے حضور توبہ کرو، کیونکہ گناہ سے سچی توبہ (درصل) ندامت اور استغفار ہی ہے۔“ [صحيح الجامع الصغير وزيادته/[حرف الألف] -- إن/حدیث: 1433]

(نبی کریم صلی اللہ علیہ وسلم نے فرمایا:)
”اگر تم (نفلی) روزے رکھنا ہی چاہتے ہو تو ایامِ بیض (چاند کی تیرہ، چودہ اور پندرہ تاریخ) کے روزے رکھا کرو۔“ [صحيح الجامع الصغير وزيادته/[حرف الألف] -- إن/حدیث: 1434]

(نبی کریم صلی اللہ علیہ وسلم نے فرمایا:)
”اگر تم روزہ رکھنا ہی چاہتے ہو تو تم پر چاند کی روشن راتوں والے دن لازم ہیں: یعنی تیرہ، چودہ اور پندرہ تاریخ۔“ [صحيح الجامع الصغير وزيادته/[حرف الألف] -- إن/حدیث: 1435]

(نبی کریم صلی اللہ علیہ وسلم نے فرمایا:)
”اگر تم واقعی اللہ کے بندے ہو تو اپنی تہبند (ٹخنوں سے) اونچی رکھو۔“ [صحيح الجامع الصغير وزيادته/[حرف الألف] -- إن/حدیث: 1436]