(نبی کریم صلی اللہ علیہ وسلم نے فرمایا:)
”جبریل علیہ السلام آئے اور کہا: تم بدر میں شریک ہونے والوں کو اپنے میں کیا سمجھتے ہو؟ میں نے کہا: ہمارے بہترین لوگ۔ انہوں نے کہا: اسی طرح فرشتوں میں سے جو بدر میں شریک ہوئے وہ ہمارے نزدیک بھی فرشتوں میں سب سے بہتر ہیں۔“ [صحيح الجامع الصغير وزيادته/حرف الجيم/حدیث: 3086]

(نبی کریم صلی اللہ علیہ وسلم نے فرمایا:)
”گھر کا پڑوسی اس گھر کا دوسروں سے زیادہ حقدار ہے۔“ [صحيح الجامع الصغير وزيادته/حرف الجيم/حدیث: 3087]

(نبی کریم صلی اللہ علیہ وسلم نے فرمایا:)
”گھر کا پڑوسی حقِ شفعہ کا زیادہ حقدار ہے۔“ [صحيح الجامع الصغير وزيادته/حرف الجيم/حدیث: 3088]

(نبی کریم صلی اللہ علیہ وسلم نے فرمایا:)
”گھر کا پڑوسی اپنے پڑوسی کے گھر کا زیادہ حقدار ہے۔“ [صحيح الجامع الصغير وزيادته/حرف الجيم/حدیث: 3089]

(نبی کریم صلی اللہ علیہ وسلم نے فرمایا:)
”مشرکین سے اپنے مال، اپنی جان اور اپنی زبان سے جہاد کرو۔“ [صحيح الجامع الصغير وزيادته/حرف الجيم/حدیث: 3090]

(نبی کریم صلی اللہ علیہ وسلم نے فرمایا:)
”اللہ تعالیٰ انصار کو ہماری طرف سے بہترین جزا دے، خاص طور پر عبداللہ بن عمرو بن حرام اور سعد بن عبادہ کو۔“ [صحيح الجامع الصغير وزيادته/حرف الجيم/حدیث: 3091]

(نبی کریم صلی اللہ علیہ وسلم نے فرمایا:)
”مونچھیں کترواؤ اور داڑھیاں بڑھاؤ، مجوسیوں کی مخالفت کرو۔“ [صحيح الجامع الصغير وزيادته/حرف الجيم/حدیث: 3092]

(نبی کریم صلی اللہ علیہ وسلم نے فرمایا:)
”اللہ تعالیٰ نے چاندوں کو لوگوں کے لیے اوقات کا ذریعہ بنایا ہے، پس اسے دیکھ کر روزہ رکھو اور اسے دیکھ کر روزہ چھوڑ دو، اور اگر تم پر بادل چھا جائیں تو تیس دن پورے کر لو۔“ [صحيح الجامع الصغير وزيادته/حرف الجيم/حدیث: 3093]

(نبی کریم صلی اللہ علیہ وسلم نے فرمایا:)
”اللہ تعالیٰ نے نیکی کا اجر اس کی دس گنا مقدار رکھا ہے، پس ایک مہینے کا روزہ دس مہینوں کے برابر ہے، اور اس مہینے کے بعد چھ دن کا روزہ سال کو مکمل کر دیتا ہے۔“ [صحيح الجامع الصغير وزيادته/حرف الجيم/حدیث: 3094]

(نبی کریم صلی اللہ علیہ وسلم نے فرمایا:)
”اللہ تعالیٰ نے رحمت کے سو حصے بنائے، ننانوے حصے اپنے پاس روک لیے اور ایک حصہ زمین پر اتار دیا، اسی ایک حصے کی وجہ سے مخلوق ایک دوسرے پر رحم کھاتی ہے، یہاں تک کہ گھوڑی اپنا سُم اپنے بچے سے اس ڈر سے اٹھا لیتی ہے کہ کہیں اسے تکلیف نہ پہنچے۔“ [صحيح الجامع الصغير وزيادته/حرف الجيم/حدیث: 3095]