(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم گدھے پر سوار ہوتے، جوتا خود گانٹھتے، قمیض کا دامن اونچا رکھتے، اونی کپڑا پہنتے اور فرماتے: جس نے میری سنت سے منہ موڑا وہ مجھ سے نہیں ہے۔“ [صحيح الجامع الصغير وزيادته/باب كان وهي الشمائل الشريفة/حدیث: 4946]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم انصار کی زیارت فرماتے، ان کے بچوں کو سلام کرتے اور ان کے سروں پر ہاتھ پھیرتے تھے۔“ [صحيح الجامع الصغير وزيادته/باب كان وهي الشمائل الشريفة/حدیث: 4947]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم خالص عود کی دھونی دیتے تھے اور اس میں کافور ملا لیتے تھے۔“ [صحيح الجامع الصغير وزيادته/باب كان وهي الشمائل الشريفة/حدیث: 4948]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم جامع دعاؤں کو پسند فرماتے اور ان کے علاوہ پھیلی ہوئی دعائیں چھوڑ دیتے تھے۔“ [صحيح الجامع الصغير وزيادته/باب كان وهي الشمائل الشريفة/حدیث: 4949]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم جمعرات کے دن سفر کرنا پسند فرماتے تھے۔“ [صحيح الجامع الصغير وزيادته/باب كان وهي الشمائل الشريفة/حدیث: 4950]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم کے لیے سقیا کے گھروں سے میٹھا پانی لایا جاتا؛ ایک روایت میں ہے: آپ کے لیے بئرِ سقیا سے میٹھا پانی منگوایا جاتا تھا۔“ [صحيح الجامع الصغير وزيادته/باب كان وهي الشمائل الشريفة/حدیث: 4951]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم اگلی صف کے لیے تین بار اور دوسری صف کے لیے ایک بار استغفار فرماتے تھے۔“ [صحيح الجامع الصغير وزيادته/باب كان وهي الشمائل الشريفة/حدیث: 4952]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم اپنے کپڑے سے منی کو اذخر گھاس کے تنکے سے صاف کر لیتے پھر اسی کپڑے میں نماز پڑھ لیتے، اور خشک ہونے پر اسے کھرچ دیتے پھر اسی میں نماز پڑھتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4953]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم گھوڑی (مادہ گھوڑے) کو 'فرس' کہتے تھے۔“ [صحيح الجامع الصغير وزيادته/باب كان وهي الشمائل الشريفة/حدیث: 4954]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم کو یہ بات ناگوار گزرتی کہ آپ سے کوئی ناگوار بو محسوس کی جائے۔“ [صحيح الجامع الصغير وزيادته/باب كان وهي الشمائل الشريفة/حدیث: 4955]