(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم کھڑے ہو کر خطبہ دیتے، دونوں خطبوں کے درمیان بیٹھتے، آیات کی تلاوت فرماتے اور لوگوں کو نصیحت فرماتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4936]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم اپنا کپڑا خود سیتے، اپنا جوتا خود گانٹھتے اور وہی کام کرتے جو مرد اپنے گھروں میں کیا کرتے ہیں۔“ [صحيح الجامع الصغير وزيادته/باب كان وهي الشمائل الشريفة/حدیث: 4937]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم کو کبھی صبح صادق اس حال میں ہوتی کہ آپ اپنی بیوی کی وجہ سے جنابت کی حالت میں ہوتے، پھر آپ غسل فرماتے اور روزہ رکھتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4938]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم کو جو کی روٹی اور باسی چربی کی دعوت پر بھی بلایا جاتا۔“ [صحيح الجامع الصغير وزيادته/باب كان وهي الشمائل الشريفة/حدیث: 4939]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم سختی کے وقت یہ دعا فرماتے: «لَا إِلَهَ إِلَّا اللَّهُ الْعَظِيمُ الْحَلِيمُ لَا إِلَهَ إِلَّا اللَّهُ رَبُّ الْعَرْشِ الْعَظِيمِ لَا إِلَهَ إِلَّا اللَّهُ رَبُّ السَّمَوَاتِ السَّبْعِ وَرَبُّ الْأَرْضِ وَرَبُّ الْعَرْشِ الْكَرِيمِ» (اللہ کے سوا کوئی سچا معبود نہیں، وہ عظیم اور بردبار ہے، اللہ کے سوا کوئی سچا معبود نہیں، وہ عرشِ عظیم کا رب ہے، اللہ کے سوا کوئی سچا معبود نہیں، وہ ساتوں آسمانوں کا رب، زمین کا رب اور عرشِ کریم کا رب ہے)۔“ [صحيح الجامع الصغير وزيادته/باب كان وهي الشمائل الشريفة/حدیث: 4940]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم دن اور رات کی ایک ہی گھڑی میں اپنی سب بیویوں کے ہاں باری باری جاتے تھے۔“ [صحيح الجامع الصغير وزيادته/باب كان وهي الشمائل الشريفة/حدیث: 4941]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم اپنی قربانی اپنے ہاتھ سے ذبح فرماتے تھے۔“ [صحيح الجامع الصغير وزيادته/باب كان وهي الشمائل الشريفة/حدیث: 4942]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم اپنے ہر وقت میں اللہ تعالیٰ کا ذکر کرتے تھے۔“ [صحيح الجامع الصغير وزيادته/باب كان وهي الشمائل الشريفة/حدیث: 4943]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم تہبند کو آگے سے لٹکا رکھتے اور پیچھے سے اٹھائے رکھتے تھے۔“ [صحيح الجامع الصغير وزيادته/باب كان وهي الشمائل الشريفة/حدیث: 4944]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم اپنے پیچھے کسی کو سوار کر لیتے، اپنا کھانا زمین پر رکھتے، غلام کی دعوت قبول فرماتے اور گدھے پر سوار ہوتے تھے۔“ [صحيح الجامع الصغير وزيادته/باب كان وهي الشمائل الشريفة/حدیث: 4945]