(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم اپنا کپڑا خود جوں سے صاف کرتے، اپنی بکری کا دودھ خود دوہتے اور اپنا کام خود کرتے تھے۔“ [صحيح الجامع الصغير وزيادته/باب كان وهي الشمائل الشريفة/حدیث: 4996]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم اپنی بعض بیویوں کو بوسہ دیتے پھر نماز پڑھ لیتے اور وضو نہیں کرتے تھے۔“ [صحيح الجامع الصغير وزيادته/باب كان وهي الشمائل الشريفة/حدیث: 4997]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم روزے کی حالت میں اپنی بیوی کو بوسہ دیتے تھے۔“ [صحيح الجامع الصغير وزيادته/باب كان وهي الشمائل الشريفة/حدیث: 4998]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم تحفہ قبول فرماتے اور اس کے بدلے میں کچھ عطا فرماتے تھے۔“ [صحيح الجامع الصغير وزيادته/باب كان وهي الشمائل الشريفة/حدیث: 4999]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم اپنی قراءت کو آیت آیت کر کے پڑھتے: «الْحَمْدُ لِلَّهِ رَبِّ الْعَالَمِینَ» پھر ٹھہر جاتے، پھر «الرَّحْمَٰنِ الرَّحِیمِ» پڑھتے پھر ٹھہر جاتے۔“ [صحيح الجامع الصغير وزيادته/باب كان وهي الشمائل الشريفة/حدیث: 5000]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم کسی کو ملامت کرتے وقت یہ فرماتے: اسے کیا ہوا، اس کی پیشانی خاک آلود ہو!“ [صحيح الجامع الصغير وزيادته/باب كان وهي الشمائل الشريفة/حدیث: 5001]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم جب مرغ کی بانگ سنتے تو کھڑے ہو جاتے۔“ [صحيح الجامع الصغير وزيادته/باب كان وهي الشمائل الشريفة/حدیث: 5002]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم رات کو اتنی دیر تک قیام فرماتے کہ آپ کے قدم مبارک پھٹ جاتے۔“ [صحيح الجامع الصغير وزيادته/باب كان وهي الشمائل الشريفة/حدیث: 5003]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم عید الفطر کے دن اپنے گھر سے نکلنے کے وقت سے لے کر عید گاہ پہنچنے تک تکبیر کہتے رہتے تھے۔“ [صحيح الجامع الصغير وزيادته/باب كان وهي الشمائل الشريفة/حدیث: 5004]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم کثرت سے ذکر کرتے، فضول باتیں کم کرتے، نماز کو طویل اور خطبہ کو مختصر رکھتے، اور بیوہ، مسکین اور غلام کے ساتھ چلنے میں عار محسوس نہ کرتے تھے اور نہ تکبر کرتے تھے، یہاں تک کہ اس کی ضرورت پوری کر دیتے۔“ [صحيح الجامع الصغير وزيادته/باب كان وهي الشمائل الشريفة/حدیث: 5005]