(نبی کریم صلی اللہ علیہ وسلم نے فرمایا:)
”اللہ کی قسم! اللہ اپنے محبوب کو آگ میں نہیں ڈالے گا۔“ [صحيح الجامع الصغير وزيادته/حرف الواو./حدیث: 7095]

(نبی کریم صلی اللہ علیہ وسلم نے فرمایا:)
”اللہ کی قسم! دنیا اللہ کے نزدیک اس سے بھی زیادہ حقیر ہے جتنی یہ چیز تمہارے نزدیک حقیر ہے۔“ [صحيح الجامع الصغير وزيادته/حرف الواو./حدیث: 7096]

(نبی کریم صلی اللہ علیہ وسلم نے فرمایا:)
”اللہ کی قسم! اللہ اپنے بندے کی توبہ سے اس آدمی سے بھی زیادہ خوش ہوتا ہے جو کسی ویران زمین میں سفر کر رہا ہو، وہ ایک درخت کے سائے میں پناہ لے کر اس کے نیچے سو جائے، پھر بیدار ہو تو اپنی سواری نہ پائے، وہ ایک بلند جگہ پر چڑھے تو کچھ نظر نہ آئے، پھر دوسری بلند جگہ پر چڑھ کر دیکھے تو کچھ نظر نہ آئے، تو وہ کہے: میں اپنی اسی جگہ واپس چلا جاتا ہوں جہاں تھا اور وہیں رہوں گا یہاں تک کہ مر جاؤں، پس وہ واپس جائے تو اچانک اس کی سواری اپنی نکیل گھسیٹتی ہوئی وہیں موجود ہو۔ پس اللہ اپنے بندے کی توبہ سے اس آدمی سے بھی زیادہ خوش ہوتا ہے جتنا یہ آدمی اپنی سواری پا کر خوش ہوا۔“ [صحيح الجامع الصغير وزيادته/حرف الواو./حدیث: 7097]

(نبی کریم صلی اللہ علیہ وسلم نے فرمایا:)
”اللہ کی قسم! اللہ اسے یعنی حجرِ اسود کو قیامت کے دن اس حال میں اٹھائے گا کہ اس کی دو آنکھیں ہوں گی جن سے وہ دیکھے گا اور ایک زبان ہوگی جس سے وہ بولے گا، وہ اس شخص کے حق میں گواہی دے گا جس نے اسے حق کے ساتھ چوما ہوگا۔“ [صحيح الجامع الصغير وزيادته/حرف الواو./حدیث: 7098]

(نبی کریم صلی اللہ علیہ وسلم نے فرمایا:)
”اللہ کی قسم! ابنِ مریم ضرور ایک عادل حاکم بن کر نازل ہوں گے، وہ صلیب توڑ دیں گے، خنزیر کو قتل کر دیں گے، جزیہ ختم کر دیں گے، جوان اونٹنیوں کو چھوڑ دیا جائے گا اور ان کے لیے کوئی کوشش نہیں کی جائے گی، بغض، کینہ اور حسد ختم ہو جائیں گے، اور مال کی طرف بلایا جائے گا مگر کوئی اسے قبول نہیں کرے گا۔“ [صحيح الجامع الصغير وزيادته/حرف الواو./حدیث: 7099]

(نبی کریم صلی اللہ علیہ وسلم نے فرمایا:)
”اللہ کی قسم! دنیا آخرت کے مقابلے میں بس اتنی ہی ہے جیسے تم میں سے کوئی اپنی یہ انگلی سمندر میں ڈالے، پھر دیکھے کہ وہ اس میں سے کیا لے کر واپس آتی ہے۔“ [صحيح الجامع الصغير وزيادته/حرف الواو./حدیث: 7100]

(نبی کریم صلی اللہ علیہ وسلم نے فرمایا:)
”اللہ کی قسم! تم میرے بعد مجھ سے زیادہ تم پر عدل کرنے والا کسی کو نہیں پاؤ گے۔“ [صحيح الجامع الصغير وزيادته/حرف الواو./حدیث: 7101]

(نبی کریم صلی اللہ علیہ وسلم نے فرمایا:)
”اللہ کی قسم! وہ مومن نہیں، اللہ کی قسم! وہ مومن نہیں، اللہ کی قسم! وہ مومن نہیں، جس کا پڑوسی اس کی ایذاؤں سے محفوظ نہ ہو۔“ [صحيح الجامع الصغير وزيادته/حرف الواو./حدیث: 7102]

(نبی کریم صلی اللہ علیہ وسلم نے فرمایا:)
”اللہ کی قسم! میں آج کے بعد کسی کا تحفہ قبول نہیں کروں گا سوائے اس کے کہ وہ مہاجر قریشی ہو، یا انصاری ہو، یا دوسی ہو، یا ثقفی ہو۔“ [صحيح الجامع الصغير وزيادته/حرف الواو./حدیث: 7103]

(نبی کریم صلی اللہ علیہ وسلم نے فرمایا:)
”اور بخل سے بڑھ کر کون سی بیماری لاعلاج ہے؟“ [صحيح الجامع الصغير وزيادته/حرف الواو./حدیث: 7104]