(نبی کریم صلی اللہ علیہ وسلم نے فرمایا:)
”عربوں کے لیے اس شر سے خرابی ہے جو قریب آ چکا ہے، کامیاب ہوا وہ جس نے اپنا ہاتھ روکے رکھا۔“ [صحيح الجامع الصغير وزيادته/حرف الواو./حدیث: 7135]

(نبی کریم صلی اللہ علیہ وسلم نے فرمایا:)
”اس شخص کے لیے خرابی ہے جو بات کرتے ہوئے جھوٹ بولے تاکہ لوگوں کو ہنسائے، اس کے لیے خرابی ہے، اس کے لیے خرابی ہے۔“ [صحيح الجامع الصغير وزيادته/حرف الواو./حدیث: 7136]

(نبی کریم صلی اللہ علیہ وسلم نے فرمایا:)
”کثیر مال جمع کرنے والوں کے لیے خرابی ہے، سوائے اس کے جو مال کو یوں اور یوں خرچ کرے۔“ [صحيح الجامع الصغير وزيادته/حرف الواو./حدیث: 7137]

(نبی کریم صلی اللہ علیہ وسلم نے فرمایا:)
”عورتوں کے لیے دو سرخ چیزوں یعنی سونے اور کسم رنگے کپڑے کی وجہ سے خرابی ہے۔“ [صحيح الجامع الصغير وزيادته/حرف الواو./حدیث: 7138]

(نبی کریم صلی اللہ علیہ وسلم نے فرمایا:)
”افسوس تم پر! کیا میں زمین والوں میں سب سے زیادہ اس بات کا حقدار نہیں کہ میرے بارے میں اللہ سے ڈرا جائے؟“ [صحيح الجامع الصغير وزيادته/حرف الواو./حدیث: 7139]

(نبی کریم صلی اللہ علیہ وسلم نے فرمایا:)
”افسوس تم پر! تم نے اپنے ساتھی کی گردن کاٹ دی۔ تم میں سے جسے اپنے بھائی کی تعریف کرنی ہی ہو تو وہ یوں کہے: میں فلاں کو ایسا سمجھتا ہوں، اور اللہ ہی اس کا حساب لینے والا ہے، اور میں اللہ کے سامنے کسی کی پاکیزگی کا دعویٰ نہیں کرتا، میں اسے ایسا ایسا سمجھتا ہوں، بشرطیکہ وہ اس کے بارے میں یہ جانتا ہو۔“ [صحيح الجامع الصغير وزيادته/حرف الواو./حدیث: 7140]

(نبی کریم صلی اللہ علیہ وسلم نے فرمایا:)
”افسوس تم پر! اگر میں عدل نہ کروں تو اور کون کرے گا! اگر میں عدل نہ کروں تو میں ناکام اور خسارے میں رہوں۔“ [صحيح الجامع الصغير وزيادته/حرف الواو./حدیث: 7141]