سیدنا عامر بن ربیعہ رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”تم پر ایسے حکمران ہوں گے جو نماز کو اس کے وقت پر بھی ادا کریں گے اور (کبھی) وقت سے مؤخر بھی کریں گے، پس جو نماز انہوں نے وقت پر پڑھی اور تم نے ان کے ساتھ ادا کی تو اس کا اجر تمہارے لیے بھی ہے اور ان کے لیے بھی، اور جس نماز میں انہوں نے تاخیر کی اور تم نے (جماعت کی رعایت میں) ان کے ساتھ ادا کی تو (نماز کا ثواب) تمہارے لیے ہے اور (تاخیر کا وبال) ان پر ہے، اور جس شخص نے جماعت سے علیحدگی اختیار کی اس نے اپنی گردن سے اسلام کا پٹہ اتار پھینکا، اور جو شخص (حاکمِ وقت کی اطاعت کا) عہد توڑتے ہوئے مرا وہ قیامت کے دن اس حال میں آئے گا کہ اس کے پاس (اپنی نجات کے لیے) کوئی دلیل و حجت نہ ہوگی۔“ [مسند أبي يعلى الموصلي/حديث عامر بن ربيعة/حدیث: 7203]

سیدنا عامر بن ربیعہ رضی اللہ عنہ سے روایت ہے کہ نبی اکرم صلی اللہ علیہ وسلم بیت اللہ کا طواف فرما رہے تھے کہ آپ صلی اللہ علیہ وسلم کے نعلینِ مبارک کا تسمہ ٹوٹ گیا، تو ایک شخص نے اپنے جوتے سے ایک تسمہ نکالا اور اسے نبی صلی اللہ علیہ وسلم کے نعلینِ مبارک میں باندھنے لگا، تو آپ صلی اللہ علیہ وسلم نے اسے (اپنے نعلین کو) اس سے کھینچ لیا اور ارشاد فرمایا: ”یہ ایک طرح کا امتیازی سلوک ہے، اور میں امتیازی برتاؤ کو پسند نہیں کرتا۔“ [مسند أبي يعلى الموصلي/حديث عامر بن ربيعة/حدیث: 7204]