”اے نبی! آپ مومنوں کو قتال پر ابھاریں، اگر تم میں سے بیس صبر کرنے والے (ثابت قدم) ہوں گے تو وہ دو سو پر غالب آئیں گے، اور اگر تم میں سے ایک سو ہوں گے تو وہ کافروں میں سے ایک ہزار پر غالب رہیں گے، اس لیے کہ وہ ایسے لوگ ہیں جو (حقیقت کو) نہیں سمجھتے۔ اب اللہ نے تم پر بوجھ ہلکا کر دیا ہے اور اسے علم ہے کہ تم میں کمزوری ہے، چنانچہ اگر تم میں سے ایک سو صابر ہوں گے تو وہ دو سو پر غالب آئیں گے، اور اگر تم میں سے ایک ہزار ہوں گے تو وہ اللہ کے حکم سے دو ہزار پر غالب رہیں گے، اور اللہ صبر کرنے والوں کے ساتھ ہے۔“