اللہ تعالیٰ کے اس فرمان کے بیان میں ہے کہ ”اور یقیناً ہم نے ان کے لیے کلام (نصیحت) کو مسلسل پہنچا دیا تاکہ وہ دھیان دیں، وہ لوگ جنہیں ہم نے اس (قرآن) سے پہلے کتاب عطا فرمائی وہ اس پر ایمان لاتے ہیں، اور جب ان پر اس کی تلاوت کی جاتی ہے تو وہ کہتے ہیں کہ ہم اس پر ایمان لائے، بے شک یہ ہمارے رب کی طرف سے حق ہے اور ہم تو اس سے پہلے ہی سے اطاعت گزار تھے، یہی وہ لوگ ہیں جنہیں ان کا اجر دو مرتبہ دیا جائے گا اس وجہ سے کہ انہوں نے صبر کیا، اور وہ نیکی کے ذریعے برائی کو ٹال دیتے ہیں اور جو کچھ ہم نے انہیں رزق دیا اس میں سے خرچ کرتے ہیں“۔