اللہ تعالیٰ کے اس ارشاد کے بیان میں کہ ”اور ہم نے انسان کو اس کے والدین کے متعلق تاکیدی ہدایت فرمائی؛ اس کی ماں نے اسے ضعف پر ضعف جھیلتے ہوئے (اپنے شکم میں) اٹھائے رکھا اور اس کا دودھ چھڑایا جانا دو سال میں ہے، (ہم نے حکم دیا) کہ میرا شکر بجا لا اور اپنے والدین کا بھی؛ میری ہی طرف لوٹ کر آنا ہے۔ اور اگر وہ دونوں تجھ پر اس بات کا زور ڈالیں کہ تو میرے ساتھ کسی ایسی چیز کو شریک ٹھہرائے جس کا تجھے کوئی علم نہیں، تو ان کی اطاعت نہ کرنا، البتہ دنیا (کی زندگی) میں ان کے ساتھ دستور کے مطابق اچھا برتاؤ کرنا، اور اس شخص کے راستے کی پیروی کرنا جس نے میری طرف رجوع کیا، پھر تم سب کی واپسی میری ہی طرف ہے، تو میں تمہیں ان تمام اعمال سے باخبر کروں گا جو تم کیا کرتے تھے۔“