اللہ تعالیٰ کے اس ارشادِ گرامی کے بارے میں کہ ”(داؤد علیہ السلام نے) کہا کہ یقیناً اس نے تمہاری دنبی کو اپنی دنبیوں میں شامل کرنے کا مطالبہ کر کے تم پر زیادتی کی ہے اور بے شک بہت سے شریک ایک دوسرے پر ظلم و زیادتی ہی کرتے ہیں سوائے ان لوگوں کے جو ایمان لائے اور جنہوں نے نیک اعمال کیے اور ایسے لوگ بہت ہی کم ہیں، اور داؤد علیہ السلام سمجھ گئے کہ ہم نے انہیں آزمائش میں ڈالا ہے، چنانچہ انہوں نے اپنے رب سے مغفرت طلب کی اور وہ عاجزی کے ساتھ گر پڑے اور پوری طرح رجوع لائے، پس ہم نے ان کی اس لغزش کو معاف کر دیا اور یقیناً ہمارے پاس ان کے لیے قربِ خاص کا مقام اور بہترین ٹھکانہ ہے“۔