سیدنا جابر رضی اللہ عنہما سے روایت ہے کہ رسول اللہ صلی اللہ علیہ وسلم نے لوگوں کو کھجور کے درختوں کی پیوند کاری کرتے دیکھا تو دریافت فرمایا: ”لوگوں کو کیا ہوا ہے؟“
عرض کیا گیا: اے اللہ کے رسول! وہ پیوند کاری کر رہے ہیں۔ آپ صلی اللہ علیہ وسلم نے فرمایا: ”پیوند کاری کی ضرورت نہیں“ یا فرمایا: ”میرا نہیں خیال کہ پیوند کاری کی کوئی خاص حیثیت ہے۔“
راوی بیان کرتے ہیں کہ پھر لوگوں نے پیوند کاری چھوڑ دی، جس کے نتیجے میں لوگوں کی کھجوریں «شِيصًا» (ناقص اور خراب) ہو گئیں۔ تب رسول اللہ صلی اللہ علیہ وسلم نے فرمایا: ”نہ تو میں کاشتکار ہوں اور نہ ہی کھجوروں کے باغ والا ہوں، تم لوگ پیوند کاری کیا کرو۔“ [المعجم الأوسط/باب الألف/حدیث: 1030]