ابو عطیہ رحمہ اللہ بیان کرتے ہیں کہ سیدنا مالک بن حویرث رضی اللہ عنہ ہماری زیارت کے لیے تشریف لائے تو ہم نے عرض کی: ”کاش آپ ہمیں نماز پڑھاتے!“
انہوں نے ہم سے فرمایا: ”تمہارا اپنا امام ہی نماز پڑھائے، اور میں تمہیں وہ بات بتاتا ہوں جو میں نے رسول اللہ صلی اللہ علیہ وسلم کو فرماتے ہوئے سنی ہے: «إِذَا زَارَ أَحَدُكُمْ أَخَاهُ فَلَا يَؤُمَّنَّهُ، وَلَكِنْ يَؤُمُّهُمْ بَعْضُهُمْ» ”جب تم میں سے کوئی اپنے کسی بھائی کی ملاقات کو جائے تو وہ اس کی امامت نہ کرائے، بلکہ ان ہی میں سے کوئی شخص ان کی امامت کرائے۔““ [المعجم الأوسط/باب الألف/حدیث: 1032]