سیدنا ابوامامہ رضی اللہ عنہ سے روایت ہے کہ رسول اللہ صلی اللہ علیہ وسلم اپنے کسی غزوہ میں روانہ ہوئے، تو آپ صلی اللہ علیہ وسلم کا گزر عرب کے چند گھرانوں کے پاس سے ہوا۔ آپ صلی اللہ علیہ وسلم نے ان کی طرف دریافت کرنے کے لیے پیغام بھیجا: ”کیا رسول اللہ صلی اللہ علیہ وسلم کے وضو کے لیے کچھ پانی مل جائے گا؟“ انہوں نے عرض کی: ”ہمارے پاس کسی چیز میں پانی نہیں ہے سوائے ایک مردار کی کھال کے، جسے ہم نے دودھ کے ذریعے دباغت دی ہے۔“ تو آپ صلی اللہ علیہ وسلم نے ان کی طرف پیغام بھیجا کہ: ”اس کی دباغت ہی اسے پاک کرنا ہے۔“ چنانچہ وہ پانی لایا گیا، تو آپ صلی اللہ علیہ وسلم نے اس سے وضو کیا اور پھر نماز ادا فرمائی۔ [المعجم الأوسط/باب الألف/حدیث: 1052]