سیدنا اسامہ بن زید رضی اللہ عنہما سے روایت ہے کہ انہوں نے فرمایا: ”رسول اللہ صلی اللہ علیہ وسلم نے مجھے ریشمی دھاریوں والا ایک جوڑا عطا فرمایا، تو میں نے اسے پہن لیا اور صبح سویرے نبی صلی اللہ علیہ وسلم کی خدمت میں حاضر ہوا۔ جب آپ صلی اللہ علیہ وسلم نے اسے مجھ پر (پہنے ہوئے) دیکھا تو فرمایا: ”میں نے تمہیں یہ اس لیے نہیں دیا تھا کہ تم خود اسے پہنو، بلکہ میں نے تو یہ تمہاری طرف اس لیے بھیجا تھا کہ تم اسے عورتوں کو پہنا دو۔““
یہ حدیث حکم رحمہ اللہ سے صرف عمرو رحمہ اللہ نے ہی روایت کی ہے۔ [المعجم الأوسط/باب الألف/حدیث: 1070]