سیدنا ابو سعید خدری رضی اللہ عنہ سے روایت ہے کہ میں نے رسول اللہ صلی اللہ علیہ وسلم کو فرماتے ہوئے سنا: ”میری امت میں ایک شخص نکلے گا جو میری سنت کے مطابق عمل کرے گا، اللہ عزوجل اس کے لیے آسمان سے بارش برسائے گا اور زمین اس کے لیے اپنی برکتیں نکال دے گی، زمین اس کے ذریعے عدل و انصاف سے ویسے ہی بھر جائے گی جیسے وہ ظلم و ستم سے بھر چکی ہوگی، وہ اس امت پر سات سال تک حکومت کرے گا اور بیت المقدس میں قیام فرمائے گا۔“
اس حدیث کو ایک جماعت نے ابو صدیق رحمہ اللہ سے روایت کیا ہے، اور ان میں سے کسی نے بھی ان کے اور سیدنا ابو سعید رضی اللہ عنہ کے درمیان کسی واسطے کا ذکر نہیں کیا سوائے ابو واصل رحمہ اللہ کے۔ [المعجم الأوسط/باب الألف/حدیث: 1075]