سیدنا ابن عباس رضی اللہ عنہما سے روایت ہے کہ انہوں نے فرمایا: ”رسول اللہ صلی اللہ علیہ وسلم کے لیے شام کے وقت کھجوروں کا مشروب (نبیذ) تیار کیا جاتا تھا، پس آپ صلی اللہ علیہ وسلم اسے اس رات اور اگلے دن، پھر اس سے اگلی رات اور دن، اور پھر اس سے اگلی رات اور دن تک نوش فرماتے تھے۔ جب (تیسری) شام ہو جاتی تو آپ صلی اللہ علیہ وسلم وہ خادموں کو پلا دیتے یا اسے بہا دیتے۔“
امام طبرانی رحمہ اللہ فرماتے ہیں: ”اس حدیث کو ابو اسحاق رحمہ اللہ سے بحوالہ یحییٰ صرف یزید رحمہ اللہ نے روایت کیا ہے، جس میں یعقوب رحمہ اللہ منفرد ہیں؛ جبکہ سفیان ثوری رحمہ اللہ اور شریک رحمہ اللہ نے اسے ابو اسحاق رحمہ اللہ سے، انہوں نے یحییٰ بن عبید بہرانی رحمہ اللہ کے واسطے سے سیدنا ابن عباس رضی اللہ عنہما سے روایت کیا ہے۔“ [المعجم الأوسط/باب الألف/حدیث: 1247]