سیدنا براء بن عازب رضی اللہ عنہ سے روایت ہے کہ رسول اللہ صلی اللہ علیہ وسلم جب اپنے بستر پر تشریف لاتے تو یہ دعا پڑھتے: «إِلَيْكَ أَسْلَمْتُ نَفْسِي، وَإِلَيْكَ فَوَّضْتُ أَمْرِي، وَإِلَيْكَ أَلْجَأْتُ ظَهْرِي، رَغْبَةً وَرَهْبَةً إِلَيْكَ، لَا مَلْجَأَ وَلَا مَنْجَا مِنْكَ إِلَّا إِلَيْكَ، آمَنْتُ بِمَا أَنْزَلْتَ مِنَ الْكِتَابِ، وَبِمَا أَرْسَلْتَ مِنْ رَسُولٍ» ”اے اللہ! میں نے اپنی جان تیرے سپرد کر دی، اپنا معاملہ تیرے حوالے کر دیا اور تیری ہی طرف رغبت رکھتے ہوئے اور تجھ سے ڈرتے ہوئے اپنی پشت کو تیری پناہ میں دے دیا، تیرے عذاب سے بچنے کے لیے تیرے سوا نہ کہیں پناہ گاہ ہے اور نہ کوئی جائے نجات مگر تیری ہی طرف، میں تیری نازل کردہ کتاب اور تیرے بھیجے ہوئے رسول پر ایمان لایا۔“
امام طبرانی رحمہ اللہ فرماتے ہیں: ”اس حدیث کو ابن ابی لیلیٰ رحمہ اللہ سے صرف ثابت رحمہ اللہ نے، اور ثابت رحمہ اللہ سے صرف حماد رحمہ اللہ نے روایت کیا ہے، اس کی روایت میں مؤمل بن اسماعیل رحمہ اللہ منفرد ہیں۔“ [المعجم الأوسط/باب الألف/حدیث: 1248]