سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جس نے (کسی کو) ناحق ایک کوڑا بھی مارا، قیامت کے دن اس سے اس کا بدلہ لیا جائے گا۔“
امام طبرانی رحمہ اللہ فرماتے ہیں: ”قتادہ رحمہ اللہ سے، زرارہ بن اوفیٰ رحمہ اللہ کے واسطے سے یہ حدیث صرف عمران رحمہ اللہ نے روایت کی ہے اور محمد بن بلال رحمہ اللہ اس میں منفرد ہیں؛ نیز عبداللہ بن رجاء رحمہ اللہ نے اسے عمران رحمہ اللہ سے، انہوں نے قتادہ رحمہ اللہ سے، انہوں نے عبداللہ بن شقیق العقیلی رحمہ اللہ سے اور انہوں نے سیدنا ابوہریرہ رضی اللہ عنہ سے روایت کیا ہے۔“ [المعجم الأوسط/باب الألف/حدیث: 1445]