سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”قیامت اس وقت تک قائم نہیں ہوگی یہاں تک کہ ایسی بہت سی کانیں (معدنی ذخائر) ظاہر نہ ہو جائیں، جن میں لوگوں کے رذیل اور گھٹیا طبقے کے سوا کوئی رہائش اختیار نہیں کرے گا۔“
امام طبرانی رحمہ اللہ فرماتے ہیں: ”اس حدیث کو عبد الرحمن بن ابی عائشہ رحمہ اللہ سے صرف حفص رحمہ اللہ نے روایت کیا ہے، اور یحییٰ رحمہ اللہ اسے روایت کرنے میں منفرد ہیں۔“
دار الحرمین کے مطبوعہ نسخے میں اسی طرح (حفص المزنی) درج ہے، تاہم درست نام غالباً (ابو حفص المازنی) ہے۔ [المعجم الأوسط/باب الألف/حدیث: 1509]