سیدنا عبداللہ بن سرجس رضی اللہ عنہ سے روایت ہے کہ انہوں نے عرض کیا: ”اے اللہ کے رسول صلی اللہ علیہ وسلم ! میرے لیے مغفرت طلب فرمائیے۔“ عاصم الاحول رحمہ اللہ کہتے ہیں کہ میں نے پوچھا: ”کیا رسول اللہ صلی اللہ علیہ وسلم نے آپ کے لیے مغفرت کی دعا فرمائی؟“ انہوں نے جواب دیا: ”ہاں، اور تمہارے لیے بھی“، اور پھر آپ صلی اللہ علیہ وسلم نے یہ آیت تلاوت فرمائی: ﴿وَاسْتَغْفِرْ لِذَنْبِكَ وَلِلْمُؤْمِنِينَ وَالْمُؤْمِنَاتِ﴾ ”اور آپ اپنے لیے اور مومن مردوں اور مومن عورتوں کے لیے بخشش طلب کریں۔“
امام طبرانی رحمہ اللہ فرماتے ہیں: ”اس حدیث کو ہدبہ بن منہال قاضی سے صرف عبدالملک رحمہ اللہ نے روایت کیا ہے اور اسے نقل کرنے میں ہلال رحمہ اللہ منفرد ہیں۔“ [المعجم الأوسط/باب الألف/حدیث: 1510]