سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم اپنے صحابہ رضی اللہ عنہم کے پاس تشریف لائے جبکہ وہ آپس میں گفتگو اور بات چیت کر رہے تھے، تو انہوں نے عرض کیا: ”ہم ان (حالات) کا تذکرہ کر رہے تھے جن میں ہم زمانہ جاہلیت کے دوران مبتلا تھے، اور اللہ عزوجل نے ہمیں جو ہدایت عطا فرمائی، اور جس گمراہی میں ہم (پہلے) گھرے ہوئے تھے۔“ رسول اللہ صلی اللہ علیہ وسلم نے فرمایا: ”تم نے بہت اچھا کیا“، اور آپ صلی اللہ علیہ وسلم کو ان کی یہ بات پسند آئی، پھر آپ صلی اللہ علیہ وسلم نے فرمایا: ”تم اسی طرح رہا کرو“ یا فرمایا: ”تم اسی طرح کیا کرو۔“
امام طبرانی رحمہ اللہ فرماتے ہیں: ”اس حدیث کو ثابت رحمہ اللہ سے صرف مبارک رحمہ اللہ نے روایت کیا ہے۔“ [المعجم الأوسط/باب الألف/حدیث: 2047]