سیدنا عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”جو شخص اپنے خواب میں کوئی اچھی چیز دیکھے تو وہ اللہ کی حمد بیان کرے اور اسے (دوسروں سے) بیان کرے، اور جو اس کے سوا (کوئی ناپسندیدہ خواب) دیکھے تو وہ اللہ کی پناہ مانگے اور اسے کسی سے بیان نہ کرے، کیونکہ وہ اسے نقصان نہیں پہنچائے گا۔“
امام طبرانی رحمہ اللہ فرماتے ہیں: ”اس حدیث کو عبیداللہ بن عمر سے سعید بن عبدالرحمن کے سوا کسی نے روایت نہیں کیا، اور سلیمان بن داود اس میں منفرد ہیں۔“ [المعجم الأوسط/باب الألف/حدیث: 2138]