امام حسن بصری رحمہ اللہ بیان کرتے ہیں کہ میں نے سیدنا معاویہ رضی اللہ عنہ کو خطبہ دیتے ہوئے سنا، وہ فرما رہے تھے: ایک دن میں نے رسول اللہ صلی اللہ علیہ وسلم کے وضو کے لیے پانی ڈالا تو آپ صلی اللہ علیہ وسلم نے میری طرف سر اٹھا کر فرمایا: ”سنو! تم میرے بعد میری امت کے امور کے والی بنو گے، پھر جب ایسا ہو تو ان کے نیکوکار کی بات قبول کرنا اور ان کے خطاکار سے درگزر کرنا۔“ سیدنا معاویہ رضی اللہ عنہ نے فرمایا: ”تو میں برابر اس کی امید رکھتا رہا یہاں تک کہ آج اس مقام پر کھڑا ہوں۔“
امام طبرانی رحمہ اللہ فرماتے ہیں: ”اسے غالب قطان سے یحییٰ بن غالب بن راشد کے سوا کسی نے روایت نہیں کیا۔“ [المعجم الأوسط/باب الألف/حدیث: 2204]