امام احنف بن قیس رحمہ اللہ بیان کرتے ہیں کہ سیدنا عمر بن خطاب رضی اللہ عنہ نے مجھ سے فرمایا: ”اے احنف! جس کی ہنسی زیادہ ہو جائے اس کا رعب کم ہو جاتا ہے، جو مذاق کرے اسے ہلکا سمجھا جاتا ہے، اور جو کسی چیز کی کثرت کرے وہ اسی سے پہچانا جاتا ہے۔ جس کی باتیں زیادہ ہوں اس کی لغزشیں زیادہ ہوتی ہیں، جس کی لغزشیں زیادہ ہوں اس کی حیا کم ہو جاتی ہے، جس کی حیا کم ہو اس کا تقویٰ کم ہو جاتا ہے، اور جس کا تقویٰ کم ہو اس کا دل مر جاتا ہے۔“
امام طبرانی رحمہ اللہ فرماتے ہیں: ”یہ حدیث سیدنا عمر رضی اللہ عنہ سے اسی سند کے ساتھ ہی مروی ہے، اس میں ابن عائشہ رحمہ اللہ منفرد ہیں۔“ [المعجم الأوسط/باب الألف/حدیث: 2259]