سیدنا یعلیٰ بن سیابہ رضی اللہ عنہ سے روایت ہے کہ وہ نبی صلی اللہ علیہ وسلم کے زمانے میں موجود تھے، آپ صلی اللہ علیہ وسلم ایک ایسی قبر کے پاس سے گزرے جس کے مردے کو عذاب دیا جا رہا تھا، تو آپ صلی اللہ علیہ وسلم نے فرمایا: ”یہ شخص لوگوں کا گوشت کھایا کرتا تھا (یعنی غیبت کرتا تھا)۔“ پھر آپ صلی اللہ علیہ وسلم نے کھجور کی ایک تر شاخ منگوائی اور اسے اس کی قبر پر رکھ دیا اور فرمایا: ”امید ہے کہ جب تک یہ شاخ تر رہے گی اس کے عذاب میں تخفیف کی جاتی رہے گی۔“
امام طبرانی رحمہ اللہ فرماتے ہیں: ”عاصم سے اس حدیث کو حماد کے سوا کسی نے روایت نہیں کیا۔“ [المعجم الأوسط/باب الألف/حدیث: 2413]