سیدنا عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”جس شخص کو کوئی تحفہ دیا جائے اور اس کے پاس کچھ لوگ بیٹھے ہوں تو وہ لوگ اس تحفے میں اس کے شریک ہیں۔“
امام طبرانی رحمہ اللہ فرماتے ہیں: ”اس حدیث کو عمرو سے صرف ابن جریج نے روایت کیا ہے، اس میں مندل منفرد ہیں، اور یہ حدیث سیدنا ابن عباس رضی اللہ عنہما سے صرف اسی سند سے مروی ہے۔“ [المعجم الأوسط/باب الألف/حدیث: 2450]