حنظلہ بن نعیم عنزی رحمہ اللہ بیان کرتے ہیں: ”میں ان لوگوں میں شامل تھا جو سیدنا عمر رضی اللہ عنہ کے پاس وفد بن کر گئے تھے۔ وہ ایک ایک آدمی سے پوچھنے لگے: ’تم کس قبیلے سے ہو؟ اور تم کون ہو؟‘ یہاں تک کہ میری باری آئی تو انہوں نے پوچھا: ’تم کس قبیلے سے ہو؟ اور تم کون ہو؟‘ میں نے کہا: ’میں حنظلہ ہوں، قبیلہ عنزہ سے۔‘ تو انہوں نے مشرق کی طرف اشارہ کیا اور اپنی انگلیاں کھول کر کہا: ’میں نے رسول اللہ صلی اللہ علیہ وسلم کو فرماتے سنا: ”عنزہ ایک ایسا قبیلہ ہے جو اُدھر (مشرق) کی طرف سے ہے، ان پر زیادتی کی جائے گی اور (اس کے باوجود) ان کی مدد کی جائے گی۔“‘“
امام طبرانی رحمہ اللہ فرماتے ہیں: ”یہ حدیث سیدنا عمر رضی اللہ عنہ سے صرف اسی سند سے روایت کی گئی ہے، اس میں ابو غاضرہ منفرد ہیں۔“ [المعجم الأوسط/باب الألف/حدیث: 2582]