سیدنا زبیر بن عوام رضی اللہ عنہ یا سیدنا علی بن ابی طالب رضی اللہ عنہ سے روایت ہے کہ انہوں نے فرمایا: ”رسول اللہ صلی اللہ علیہ وسلم ہمیں خطبہ ارشاد فرماتے تو ہمیں اللہ کے ایام (تاریخی عبرتیں اور الٰہی احسانات) یاد دلاتے، یہاں تک کہ ہم اس کے اثرات آپ صلی اللہ علیہ وسلم کے چہرہ مبارک پر پہچان لیتے، گویا آپ صلی اللہ علیہ وسلم ایسے شخص ہوں جسے اندیشہ ہو کہ (دشمن کا لشکر) صبح سویرے ہی ان پر حملہ آور ہونے والا ہے؛ اور جب آپ صلی اللہ علیہ وسلم کا جبریل علیہ السلام سے عہد تازہ ہوتا (یعنی تازہ وحی نازل ہوئی ہوتی) تو آپ صلی اللہ علیہ وسلم تبسم فرماتے ہوئے نہیں ہنستے تھے یہاں تک کہ وہ کیفیت آپ صلی اللہ علیہ وسلم سے ختم ہو جاتی۔“
امام طبرانی رحمہ اللہ فرماتے ہیں: ”اس حدیث کو ابوزبیر رحمہ اللہ سے صرف ہشام رحمہ اللہ نے ہی روایت کیا ہے۔“ [المعجم الأوسط/باب الألف/حدیث: 2634]