سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”بے شک اللہ عزوجل جب کسی بندے سے محبت فرماتا ہے تو جبریل سے فرماتا ہے: «إِنِّي أُحِبُّ فُلَانًا» ”میں فلاں سے محبت کرتا ہوں“، چنانچہ جبریل اس سے محبت کرنے لگتے ہیں، پھر جبریل آسمان والوں میں منادی کرتے ہیں: «إِنَّ اللهَ عَزَّ وَجَلَّ يُحِبُّ فُلَانًا فَأَحِبُّوهُ» ”بے شک اللہ عزوجل فلاں سے محبت فرماتا ہے، لہٰذا تم بھی اس سے محبت کرو“، پس آسمان والے اس سے محبت کرنے لگتے ہیں، پھر زمین میں اس کے لیے مقبولیت رکھ دی جاتی ہے؛ اور شر (یعنی بغض و نفرت) کا معاملہ بھی اسی طرح ہے۔“ [المعجم الأوسط/باب الألف/حدیث: 2800]