سیدنا انس رضی اللہ عنہ، ام المومنین سیدہ عائشہ رضی اللہ عنہا سے روایت کرتے ہیں کہ انہوں نے نبی صلی اللہ علیہ وسلم سے سوال کیا اور عرض کی: ”اے اللہ کے رسول! میرے دو پڑوسی ہیں، تو میں (ہدیہ دینے کا) آغاز کس سے کروں؟“ آپ صلی اللہ علیہ وسلم نے فرمایا: ”جس کا دروازہ تجھ سے (دوسرے کی نسبت) زیادہ قریب ہو۔“
امام طبرانی رحمہ اللہ فرماتے ہیں: ”اس حدیث کو عبید اللہ رحمہ اللہ سے سوائے ابن اخی حزم رحمہ اللہ کے کسی نے روایت نہیں کیا، اور اس کی روایت میں اسماعیل رحمہ اللہ منفرد ہیں۔“ [المعجم الأوسط/باب الألف/حدیث: 2826]