سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”بے شک اللہ عزوجل نرمی فرمانے والا ہے اور نرمی کو پسند کرتا ہے، اور وہ نرمی پر وہ کچھ عطا فرماتا ہے جو سختی پر عطا نہیں فرماتا۔“
امام طبرانی رحمہ اللہ فرماتے ہیں: ”اسے قتادہ رحمہ اللہ سے صرف سعید رحمہ اللہ نے، اور سعید رحمہ اللہ سے صرف ابوعبیدہ رحمہ اللہ نے، جبکہ ابوعبیدہ رحمہ اللہ سے صرف سعید الجرمی رحمہ اللہ نے روایت کیا ہے۔“ [المعجم الأوسط/باب الألف/حدیث: 2934]