سیدنا ابوموسیٰ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”تین اشخاص ایسے ہیں جنہیں قیامت کے دن ان کا اجر دو مرتبہ دیا جائے گا: ایک وہ شخص جس کے پاس لونڈی ہو، وہ اسے بہترین تعلیم و تربیت دے، پھر اسے آزاد کر کے اس سے نکاح کر لے، تو اس کے لیے دوہرا اجر ہے۔ اور وہ مملوک غلام جو اللہ تعالیٰ کا حق بھی ادا کرے اور اپنے آقا کا حق بھی، تو اس کے لیے بھی دوہرا اجر ہے۔ اور وہ شخص جو اپنے (سابقہ) نبی پر ایمان لایا، پھر اس نے نبی صلی اللہ علیہ وسلم کا عہد پایا، آپ صلی اللہ علیہ وسلم پر ایمان لایا اور آپ صلی اللہ علیہ وسلم کی اتباع کی، تو اس کے لیے بھی دوہرا اجر ہے۔“
امام طبرانی رحمہ اللہ فرماتے ہیں: ”اس حدیث کو اعمش سے صرف روح بن مسافر نے روایت کیا ہے، اور اس کی روایت میں اسحاق بن سعید منفرد ہیں۔“ [المعجم الأوسط/باب الألف/حدیث: 3049]