سیدنا ابن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”بلاشبہ آدمی نماز، زکوٰۃ، حج، عمرہ اور جہاد (جیسے نیک اعمال) بجا لانے والوں میں شامل ہوتا ہے (یہاں تک کہ آپ صلی اللہ علیہ وسلم نے خیر کے تمام حصوں کا تذکرہ فرمایا)، مگر اسے قیامت کے دن اس کی عقل کی مقدار کے مطابق ہی بدلہ دیا جائے گا۔“
امام طبرانی رحمہ اللہ فرماتے ہیں: ”اس حدیث کو عبید اللہ بن عمر رحمہ اللہ سے صرف موسیٰ بن اعین رحمہ اللہ نے روایت کیا ہے، اور اس کی روایت میں منصور بن صقیر رحمہ اللہ منفرد ہیں۔“ [المعجم الأوسط/باب الباء/حدیث: 3057]