سیدنا ابو امامہ باہلی رضی اللہ عنہ سے روایت ہے کہ انہوں نے فرمایا: ”میں نے رسول اللہ صلی اللہ علیہ وسلم کو یہ فرماتے ہوئے سنا: ”تم سب کے سب جنت میں ہو گے سوائے اس شخص کے جو اللہ عزوجل سے اس طرح بدک کر بھاگ نکلے جیسے اونٹ اپنے مالکوں سے بدک کر بھاگ نکلتا ہے۔““
یہ حدیث سیدنا ابو امامہ رضی اللہ عنہ سے صرف اسی سند کے ساتھ مروی ہے، اس کی روایت میں ابن لہیعہ رحمہ اللہ منفرد ہیں۔
دار الحرمین کے نسخے میں اسی طرح ہے، اور شاید درست نام «علی بن خالد» ہے جیسا کہ مسند احمد میں ہے، واللہ اعلم۔ [المعجم الأوسط/باب الباء/حدیث: 3149]