ام المومنین سیدہ ام حبیبہ رضی اللہ عنہا فرماتی ہیں: ”میں اور رسول اللہ صلی اللہ علیہ وسلم ایک ہی کپڑے میں نماز پڑھ لیا کرتے تھے، حالانکہ اس میں وہ (ازدواجی تعلق) بھی ہو چکا ہوتا جو ہو چکا ہوتا۔“ فرماتی ہیں: ”میں بھی اسی میں نماز پڑھتی اور آپ صلی اللہ علیہ وسلم بھی اسی میں نماز پڑھتے“، یعنی اس کپڑے میں جس میں آپ صلی اللہ علیہ وسلم ہم بستری فرماتے تھے۔
امام طبرانی رحمہ اللہ فرماتے ہیں: ”اس حدیث کو عنبسہ سے ضمرہ کے سوا کسی نے روایت نہیں کیا، اس میں معاویہ منفرد ہیں۔“ [المعجم الأوسط/باب الباء/حدیث: 3297]