سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”رحم (رشتہ داری) رحمٰن کی طرف سے نکلی ہوئی ایک شاخ ہے، جو رحمٰن کی کمر (پہلو) سے لٹکی ہوئی ہے، وہ کہتی ہے: «اللَّهُمَّ صِلْ مَنْ وَصَلَنِي، وَاقْطَعْ مَنْ قَطَعَنِي» ”اے اللہ! جو مجھے جوڑے تو اسے جوڑ، اور جو مجھے کاٹے تو اسے کاٹ دے۔““
امام طبرانی رحمہ اللہ فرماتے ہیں: ”اس حدیث کو عبداللہ بن دینار سے ابو جعفر رازی کے سوا کسی نے روایت نہیں کیا، اور ابو جعفر سے آدم اور ابو النضر ہاشم بن قاسم کے سوا کسی نے روایت نہیں کیا۔“ [المعجم الأوسط/باب الثاء/حدیث: 3321]