سیدنا عبداللہ بن مغفل رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”بے شک لوگوں میں سب سے بڑا چور وہ ہے جو اپنی نماز میں چوری کرتا ہے۔“ عرض کیا گیا: ”اے اللہ کے رسول! وہ اپنی نماز میں چوری کیسے کرتا ہے؟“ آپ صلی اللہ علیہ وسلم نے فرمایا: ”وہ اس کے رکوع اور سجدے پورے نہیں کرتا۔ اور لوگوں میں سب سے بڑا بخیل وہ ہے جو سلام کرنے میں بخل کرے۔“
امام طبرانی رحمہ اللہ فرماتے ہیں: ”اس حدیث کو عبداللہ رضی اللہ عنہ سے حسن رحمہ اللہ کے سوا کسی نے روایت نہیں کیا، نہ حسن سے عوف کے سوا، نہ عوف سے عثمان کے سوا، اس میں زید منفرد ہیں۔“ [المعجم الأوسط/باب الجيم/حدیث: 3392]