سیدنا عقبہ بن عامر رضی اللہ عنہ سے روایت ہے کہ انہوں نے فرمایا: میں نے رسول اللہ صلی اللہ علیہ وسلم کو یہ فرماتے ہوئے سنا: ”یہاں جو بھی (قبیلہ) معد سے تعلق رکھتا ہے، وہ کھڑا ہو جائے۔“ تو میں کھڑا ہونے کے لیے اٹھا، تو آپ صلی اللہ علیہ وسلم نے فرمایا: ”بیٹھ جاؤ۔“ پھر آپ صلی اللہ علیہ وسلم نے دوسری بار یہی فرمایا، تو میں پھر کھڑا ہوا، تو آپ صلی اللہ علیہ وسلم نے فرمایا: ”بیٹھ جاؤ۔“ پھر آپ صلی اللہ علیہ وسلم نے تیسری بار یہی فرمایا، تو میں پھر کھڑا ہوا، تو آپ صلی اللہ علیہ وسلم نے فرمایا: ”بیٹھ جاؤ۔“ میں نے عرض کیا: اے اللہ کے رسول صلی اللہ علیہ وسلم ! پھر ہم کون ہیں؟ آپ صلی اللہ علیہ وسلم نے فرمایا: ”تمہارا تعلق قضاعہ بن مالک بن حمیر سے ہے۔“
امام طبرانی رحمہ اللہ فرماتے ہیں: ”اس حدیث کو معروف بن سوید رحمہ اللہ سے صرف ابن لہیعہ رحمہ اللہ نے روایت کیا ہے، جبکہ ان سے اسے روایت کرنے میں فضالہ بن مفضل رحمہ اللہ اپنے والد کے واسطے سے منفرد ہیں۔“ [المعجم الأوسط/باب الألف/حدیث: 345]