سیدنا جابر بن عبداللہ رضی اللہ عنہما سے روایت ہے کہ انہوں نے فرمایا: ”رسول اللہ صلی اللہ علیہ وسلم بقیع الغرقد کی طرف تشریف لے گئے، وہاں آپ صلی اللہ علیہ وسلم نے وضو فرمایا؛ اپنے چہرہ مبارک اور دونوں ہاتھوں کو دھویا، اپنے سر کا مسح کیا، اور اپنے دائیں ہاتھ سے پانی لے کر اسے اپنے دونوں قدموں پر چھڑکا، پھر انہیں دھویا۔“
اس حدیث کو سلمہ بن عبداللہ بن حصین رحمہ اللہ سے صرف ابن لہیعہ رحمہ اللہ نے روایت کیا ہے۔ [المعجم الأوسط/باب الألف/حدیث: 357]