سیدنا ابن عباس رضی اللہ عنہما سے روایت ہے کہ مسلمانوں میں سے کچھ لوگ (مکہ میں) مشرکین کے ساتھ مقیم تھے اور وہ مشرکین کی جمعیت (افرادی قوت) میں اضافے کا باعث بن رہے تھے، پھر (میدانِ جنگ میں) کوئی تیر چلایا جاتا تو وہ ان میں سے کسی کو لگ کر اسے ہلاک کر دیتا یا انہیں (تلوار وغیرہ کی) ضرب لگتی جس سے وہ قتل ہو جاتے، تو اللہ عزوجل نے ان کے بارے میں یہ آیت نازل فرمائی: ﴿الَّذِينَ تَوَفَّاهُمُ الْمَلائِكَةُ ظَالِمِي أَنْفُسِهِمْ قَالُوا فِيمَ كُنْتُمْ قَالُوا كُنَّا مُسْتَضْعَفِينَ فِي الأَرْضِ﴾ ”بے شک وہ لوگ جن کی روحیں فرشتے اس حال میں قبض کرتے ہیں کہ وہ اپنی جانوں پر ظلم کرنے والے تھے، وہ (فرشتے) پوچھتے ہیں: ”تم کس حال میں تھے؟“ وہ جواب دیتے ہیں: ”ہم زمین میں بے بس و لاچار تھے۔““ (آخری آیت تک)۔
اس حدیث کو ابو الاسود رحمہ اللہ سے صرف ابن لہیعہ رحمہ اللہ نے روایت کیا ہے۔ [المعجم الأوسط/باب الألف/حدیث: 358]