سیدنا عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”تمام امور، خواہ اچھے ہوں یا برے، اللہ کی طرف سے ہیں۔“ اور آپ صلی اللہ علیہ وسلم نے فرمایا: ”بلاشبہ تقدیر توحید کا نظام (اس کی لڑی) ہے، چنانچہ جس نے اللہ کو ایک مانا اور تقدیر پر ایمان لایا اس نے مضبوط کڑے کو تھام لیا، اور جو تقدیر پر ایمان نہ لایا وہ توحید کو توڑنے والا ہے۔“
اور آپ صلی اللہ علیہ وسلم نے فرمایا: ”تقدیر کو جھٹلانے والا جنت میں داخل نہیں ہوگا۔“
امام طبرانی رحمہ اللہ فرماتے ہیں: ”اس حدیث کو ابو حازم سے سلیمان بن ربیعہ کے سوا کسی نے روایت نہیں کیا، اور اس میں ہانی بن متوکل منفرد ہیں۔“ [المعجم الأوسط/باب الخاء/حدیث: 3573]