سیدنا عامر بن ربیعہ رضی اللہ عنہ بیان کرتے ہیں: رسول اللہ صلی اللہ علیہ وسلم ہمیں (سریہ میں) روانہ فرماتے اور ہمارے پاس کھانے کو معمولی کھجوروں کے سوا کچھ نہ ہوتا، ہم انہیں مٹھی مٹھی بانٹ لیتے، یہاں تک کہ نوبت ایک ایک کھجور تک پہنچ جاتی۔ (راوی عبداللہ کہتے ہیں:) میں نے عرض کیا: ”ایک ایک کھجور سے آپ لوگوں کو بھلا کیا فائدہ پہنچتا ہوگا؟“ انہوں نے کہا: ”ایسی بات نہ کہو، اللہ کی قسم! جب وہ ایک کھجور بھی ہمیں نہ ملتی تو ہم کمزوری اور تنگی محسوس کرتے۔“
امام طبرانی رحمہ اللہ فرماتے ہیں: ”ابوبکر بن حفص سے اس حدیث کو صرف مسعودی نے روایت کیا ہے، اور عامر بن ربیعہ رضی اللہ عنہ سے یہ حدیث صرف اسی سند سے مروی ہے۔“ [المعجم الأوسط/باب العين/حدیث: 3697]